आप मन जानत हो की छत्तीसगढ़ म दूसर राज्य ले आये बाहरी मनखे मन के अत्याचार बहुत ज्यादा बढ़ गे हे, लोटा लेके आने वाला आज हमन ल लोटा धरावत हे हमर ऊपर राज करे के प्रयास करत हे हमर भाखा-संस्कृति अउ पुरखा मन संग खिलवाड़ करत हे हमर जल, जंगल अउ जमीन ल हमर ले छिनत हे हमन ल जाति-धरम के नाव ले आपस म लड़वात हे हमन ल शराब के नशा कोती धकेलत जात हे, हमर महतारी बहिनी मन के शोषण करत हे छत्तीसगढ़ी फिलिम मन म अश्लीलता देखा के हमन ल लज्जित करत हे। ये सब मुद्दा मन के खिलाफ लड़ाई लड़े बर अउ परदेसी आतंगवाद के खात्मा करे बर एक मात्र संगठन छत्तीसगढ़िया क्रान्ति सेना बने हे जेन लगातार छत्तीसगढ़, छत्तीसगढ़ी अउ छत्तीसगढ़िया मन खातिर आवाज बुलंद करत हे।

आप सब छत्तीसगढ़िया भाई बहिनी मन अगर भाजपा, कांग्रेस, बसपा, जनता कांग्रेस, जय छत्तीसगढ़ पार्टी, AAP या अउ आने राजनितिक पार्टी म हो तभो ले आप हमर सदस्य बन सकत हो हमर संग दे सकत हो काबर की छत्तीसगढ़िया क्रान्ति सेना गैरराजनीतिक संगठन हे ...!

हमन ल मालुम हे की आप अपन राजनितिक दल म रहिके भी दूसर दर्जा म हो बाहरी आतंकवाद वहां भी हे।

जम्मो सरकारी कर्मचारी-अधिकारी मन घलो हमर संगठन म जुड़ सकत हो...!

काबर की हमन ल मालुम हे की आप अपन कार्यालय म घलो परदेसियावाद के शिकार हो।

छत्तीसगढ़िया क्रान्ति सेना एक अईसन संगठन हे जेन -

1. परदेसियावाद के आतंक के खिलाफ जोरदार लड़ई लड़त हे।
2. छत्तीसगढ़ के "संपूर्ण छत्तीसगढ़ियाकरण" करे बर किरीया खाय हे।
3. छत्तीसगढ़ म "आरूग निमगा छत्तीसगढ़िया राज " लाने के दिसा मा तेजी ले आघू बाढ़त हे।
4. ये ह व्यक्तिवादी संगठन नो हय बल्कि संगठनवादी व्यक्तित्व के निरमान बर अग्रसर हावय।
5. छत्तीसगढ़ के महतारी भाखा, संस्कृति, छत्तीसगढ़ी अस्मिता अऊ स्वाभिमान बर लगातार लड़त हे।
6. छत्तीसगढ़िया औद्योगिक श्रमिक, छत्तीसगढ़िया किसान मजदूर मन के होवत सोसन के खिलाफ बाना बांधे हे।
7. छत्तीसगढ़िया महापुरुष, साहित्यकार, जनप्रतिनिधि, अधिकारी, खिलाड़ी, कलाकार मन के संरक्षण अउ सम्मान बर हमेसा हाजिर हे।
8. छत्तीसगढ़िया पुरखा मन के सुरता करके उनकर बताय रस्ता म रेंगत हे।
9. नसाखोरी अउ जात -पात के बड़का षड़यंत्र ले बाहिर निकल के सर्व छत्तीसगढिया समाज ल स्थापित करे के बुता करत हे।
10. छत्तीसगढ़िया मन के परदेसिया मन ले समस्या के निदान खातिर हमर फोन लाईन चौबीसो घंटा खुले रहिथे ।

अगर आप वाकई म बाहरी आतंकवाद ल महसूस करत हो

दबंग छत्तीसगढ़िया मन के संगठन

छत्तीसगढ़िया क्रान्ति सेना के सदस्य बनव...