संगवारी हो जईसन कि आप मन जानत हव कि हिन्दी हमर राष्ट्रभाषा आए | फेर भारत के हर राज्य म राजकीय कामकाज के लेखा-जोखा, बोल-चाल म उहाँ के स्थानीय भाखा के उपयोग करे जाथे, जउनला महतारी भाखा अथवा मातृभाषा भी कहे जाथे | आप देखहु कि महाराष्ट्र म मराठी, राजस्थान म राजस्थानी, गुजरात म गुजराती, पंजाब म पंजाबी, हरियाणा म हरियाणवी, बंगाल म बंगाली, बिहार म भोजपुरी, केरल म कन्नड, तमिल म तेलुगु उड़िसा म उड़िया मातृभाषा ल राजकीय काम-काज म उपयोग करथें | लेकिन हमर छत्तीसगढ़ राज्य एक अईसे उपक्षित राज्य हरय जिहाँ के न तो राजकीय काम-काज, बोल-चाल अथवा पढ़ई- लिखई घलो हमर महतारी भाखा छत्तीसगढ़ी भाखा म नई होवय या नई करे जावय | 16 जुलाई के छत्तीसगढ़ी भाखा ल राजकीय काम-काज, बोल-चाल म उपयोग करवाए खातिर विधानसभा म विधायक मन के घेराव करे गिस | छत्तीसगढ़िया क्रान्ति सेना पण्डरी बस स्टैण्ड ले विधानसभा तक रइली के माध्यम ले पहुँचिस |